लाल बहादूर शास्त्री कॉलेज ऑफ आर्ट्स, सायन्स अँड कॉमर्स, सातारा येथील सांख्यिकी विभागातील विद्यार्थ्यांनी शैक्षणिक वर्ष २०२६–२७ मध्ये ऑन-जॉब ट्रेनिंग (OJT) यशस्वीरीत्या पूर्ण केले. राष्ट्रीय शैक्षणिक धोरण (NEP 2.0) अंतर्गत अनुभवाधारित शिक्षणाला महत्त्व देण्यात आले आहे. त्यानुसार विद्यार्थ्यांना वर्गातील सैद्धांतिक ज्ञानाचा प्रत्यक्ष कार्यक्षेत्रात उपयोग करता यावा, विविध संस्थांच्या कार्यपद्धतीची ओळख व्हावी आणि आवश्यक व्यावसायिक कौशल्यांचा विकास व्हावा, या उद्देशाने OJT उपक्रम राबविण्यात आला.
या उपक्रमांतर्गत सांख्यिकी विभागातील एकूण १६ विद्यार्थ्यांनी १२० तासांचे OJT दोन वेगवेगळ्या संस्थांमध्ये यशस्वीरीत्या पूर्ण केले.
जिल्हा सांख्यिकी कार्यालय, सातारा येथे OJT
सांख्यिकी विभागातील ६ विद्यार्थ्यांनी जिल्हा सांख्यिकी कार्यालय, सातारा येथे दिनांक १ ऑगस्ट २०२६ ते ९ सप्टेंबर २०२६ या कालावधीत १२० तासांचे ऑन-जॉब ट्रेनिंग यशस्वीरीत्या पूर्ण केले. या प्रशिक्षणादरम्यान विद्यार्थ्यांना जिल्हा सांख्यिकी कार्यालयाच्या कार्यपद्धतीची माहिती मिळाली. सांख्यिकीय माहितीचे संकलन, नोंदणी, वर्गीकरण, सारणीकरण, प्रक्रिया, माहिती व्यवस्थापन आणि सांख्यिकीय माहितीचा विविध प्रशासकीय व नियोजनात्मक कामांसाठी होणारा उपयोग याबाबत विद्यार्थ्यांना प्रत्यक्ष अनुभव मिळाला.
OJT पूर्ण करणारे विद्यार्थी
- पवार सिद्धी बंड
- डफळ जय जनार्दन
- शेडगे निकिता दाजी
- माने प्रणाली संभाजी
- लावंड प्रिती प्रकाश
- जाधव साक्षी सचिन
या विद्यार्थ्यांना श्री. एस. एन. माळी, उपआयुक्त, जिल्हा सांख्यिकी कार्यालय, सातारा; डॉ. अपर्णा गुरव, सांख्यिकी अधिकारी; श्री. अनिल पाटील; श्री. आदिक सोपान; श्री. प्रकाश जाधव आणि श्री. मनोज साळुंखे, सांख्यिकी सहाय्यक यांनी मोलाचे मार्गदर्शन केले. त्यांच्या मार्गदर्शनामुळे विद्यार्थ्यांना अधिकृत सांख्यिकीच्या कार्यपद्धतीची तसेच सांख्यिकीय माहितीचे प्रत्यक्ष व्यवस्थापन आणि उपयोग यांची माहिती मिळाली.
महाराष्ट्र राज्य मार्ग परिवहन महामंडळ (MSRTC), सातारा येथे OJT
सांख्यिकी विभागातील १० विद्यार्थ्यांनी महाराष्ट्र राज्य मार्ग परिवहन महामंडळ, सातारा येथे दिनांक ३ ऑगस्ट २०२६ ते ३ सप्टेंबर २०२६ या कालावधीत १२० तासांचे ऑन-जॉब ट्रेनिंग यशस्वीरीत्या पूर्ण केले.
या प्रशिक्षणादरम्यान विद्यार्थ्यांना MSRTCच्या दैनंदिन कार्यपद्धतीची तसेच विविध प्रकारच्या नोंदी व माहितीचे संकलन, व्यवस्थापन आणि हाताळणी यांचा प्रत्यक्ष अनुभव मिळाला. संस्थेच्या दैनंदिन प्रशासकीय व कार्यात्मक कामकाजामध्ये माहिती आणि आकडेवारीचा उपयोग कसा केला जातो, हे विद्यार्थ्यांना समजून घेता आले.
- यादव संकेत मोहन
- शिर्के साक्षी जगन्नाथ
- साळुंखे वर्षा रामदास
- पवार ऋतुजा दत्तात्रय
- निकम कल्याणी संतोष
- जाधव मंदार महेश
- गायकवाड राज रामदास
- गायकवाड प्रज्ञा हरीश
- ढाणे जान्हवी सचिन
- चिकणे प्रियांका रविंद्र
या विद्यार्थ्यांना श्री. आदेश शिवाजी माने, विभागीय सांख्यिकी अधिकारी, MSRTC, सातारा तसेच त्यांच्या सहकाऱ्यांनी मोलाचे मार्गदर्शन केले. त्यांच्या सहकार्यामुळे विद्यार्थ्यांना संस्थेच्या प्रत्यक्ष कामकाजाची माहिती आणि कार्यक्षेत्रातील अनुभव मिळाला.
OJT मधून विद्यार्थ्याना मिळालेला अनुभव
OJT कार्यक्रमामुळे विद्यार्थ्यांना वर्गातील सैद्धांतिक ज्ञान आणि प्रत्यक्ष कार्यक्षेत्र यांची सांगड घालण्याची संधी मिळाली. प्रशिक्षणादरम्यान विद्यार्थ्यांनी माहिती व नोंदी हाताळणे, विविध प्रकारच्या आकडेवारीचे महत्त्व समजून घेणे, संस्थेच्या कार्यपद्धतीचे निरीक्षण करणे आणि कार्यक्षेत्रातील शिस्त व जबाबदारी यांचा अनुभव घेतला.
या प्रशिक्षणामुळे विद्यार्थ्यांमध्ये निरीक्षण कौशल्य, संवादकौशल्य, माहिती हाताळणी, अहवाल लेखन, वेळेचे व्यवस्थापन आणि व्यावसायिक दृष्टिकोन विकसित होण्यास मदत झाली. तसेच सांख्यिकी विषयातील ज्ञानाचा उपयोग केवळ शैक्षणिक पातळीवर न राहता विविध शासकीय व सार्वजनिक संस्थांच्या प्रत्यक्ष कामकाजात कसा होतो, याची विद्यार्थ्यांना जाणीव झाली.
जिल्हा सांख्यिकी कार्यालय, सातारा आणि MSRTC, सातारा येथे पूर्ण केलेल्या OJTमुळे विद्यार्थ्यांना त्यांच्या भविष्यातील करिअरसाठी उपयुक्त असा प्रत्यक्ष कार्यानुभव मिळाला. अशा उपक्रमांमुळे विद्यार्थ्यांचा आत्मविश्वास वाढण्यासोबतच सांख्यिकी विषयाच्या व्यावहारिक उपयोगाची जाणीव अधिक दृढ झाली.
No comments:
Post a Comment